Թուրքիայում նախատեսում են մշակել և 2021 թվականին սպառազինության ընդունել նոր հարվածային ԱԹՍ, որը կկրի «Աքընջը» անունը: Այս մասին հայտարարել է Թուրքիայի պաշտպանության նախարար Նուրեդդին Ջանիքլին: Փոխանցում է թուրքական «Միլլիյեթ» լրատվակայքը:
Ըստ նախատեսածի՝ նոր ԱԹՍ-ն կշռելու է 4-5 տոննա և կրելու է 4 հրթիռ: Դրա մշակմամբ պետք է զբաղվի թուրքական «Բայքար» ընկերությունը, որը արտադրում է «Բայրաքթար» ԱԹՍ-ն:
Թուրքական արտադրության Bayraktar Taktik Block B (Բայրաքթար) հարվածային ԱԹՍ
Ներկայումս բացի «Բայրաքթարից» Թուրքիայի զինված ուժերում կա նաև «Անքա» ԱԹՍ-ն: Դրանց քանակին և մարտավարատեխնիկական բնութագրերին կարող եք ծանոթանալ այստեղ:
Թուրքիայի ՊՆ ռազմարդյունաբերության քարտուղարության 2017-2021 թթ զարգացման պլանով՝ 2021-ի համար նախատեսված է՝
- Ցամաքային զինտեխնիկայի շարժիչների կառուցում,
- Տեղական գազատուրբինային շարժիչների կառուցում,
- 15 միավոր «Ալթայ» տանկի ստացում, (անիրատեսական է, քանի որ դեռ չունեն շարժիչներ)
- Հեռահար ՀՕՊ և հակահրթիռային համակարգի նախագծման աշխատանքների 30%-ի իրականացում (հասցնելով 100%-ի),
- Առաջին շարժական ՌԷՊ համակարգերի ստացում: