Փետրվարի 26-ին մահացել է Ադրբեջանի ԶՈւ զինծառայող 1999թ. ծնված, շարքային Ջաֆարով Գուրբան Խանլար օղլուն (Cəfərov Qurban Xanlar oğlu): Այս մասին հայտնում է ադրբեջանական Big.az լրատվակայքը:
Նշվում է, որ զինծառայողը սպանվել է առաջնագծում հրաձգության ժամանակ: Զինծառայողի մահը սոցցանցերում հաստատել են նաև նրա հարազատները: Գուրբանը զորակոչվել էր Սալյանի շրջանից:
Ադրբեջանի ԶՈւ սպանված զինծառայող, շարքային Ջաֆարով Գուրբան Խանլար օղլուն (Cəfərov Qurban Xanlar oğlu)
Այս մասին Ադրբեջանի պաշտպանության նախարարությունը չի հայտնել, իսկ, ըստ լրատվակայքի, ՊՆ տեղեկատվության բաժնի պետ, գնդապետ Վագիֆ Դարգահլըն չի պատասխանել կայքի բազմաթիվ զանգերին: Ըստ նույն աղբյուրի՝ զինծառայողի մահվան մասին չի իմացել նաև Սալյանի շրջանի ՏԻՄ ղեկավարությունը:
Հավելենք, որ տարվա սկզբից հայտնի է դարձել Ադրբեջանի ԶՈւ մահացած արդեն 7 զինծառայողի մասին: Կորուստների թիվը իրականում ավելի մեծ կարող է լինեն, քանի որ Ադրբեջանը հետևողականորեն թաքցնում է իր կորուստները: