Իրաքը հերքում է Քիրքուքից զորքերի դուրսբերումը. ԻՊ-ն նոր հարձակումներ է իրականացրել

Փետրվարի 23-ին Իրաքյան Քրդստանի Kurdistan24 կայքի լրագրողներից մեկը հրապարակել էր Քիրքուքում դատարկված իրաքյան դիրքերի լուսանկարներ՝ նշելով, որ Իրաքի ուժայինները ԻՊ հարձակման հետևանքով լքում են դիրքերը: Հաջորդ օրը նույն կայքը հայտնել է, որ Իրաքի ՊՆ-ն հերքում է այդ լուրը:

Kurdistan24 քրդական կայքը հայտնում է, որ Իրաքի պաշտպանության նախարարությունը հերքել է այս տեղեկությունը: Իրաքյան կողմը նշում է, որ այդ ամենը կեղծ տեղեկություններ են:

Սակայն քրդական կայքը պնդում է, որ իրենք անձամբ ստուգել են, ու դիրքերը լքված են:

Փետրվարի 25-ին Մեծ Բրիտանիայում գործող արաբական լրատվական կայքերից մեկը հայտնել է, որ Իրաքի ՊՆ-ն հավելյալ ստորաբաժանումներ է ուղարկել Քիրքուք՝ «Իսլամական պետություն» ահաբեկչական խմբավորման հարձակումներին դիմակայելու համար:

Հիշեցնենք, որ փետրվարի 18-ին ԻՊ զինյալները Քիրքուքի հատվածում հարձակվել էին Իրաքի կառավարական ուժերի կողմից կռվող «Հաշդ աշ-Շաաբի» զորաջոկատների շարասյան վրա՝ սպանելով 27 մարտիկի: Հաջորդ օրերին ԻՊ զինյալների հարձակումները շարունակվել են:

Նավթով հարուստ Քիրքուք քաղաքը մինչև 2017 թ. հոկտեմբեր վերահսկում էր Իրաքյան Քրդստանը: Սակայն նույն տարվա հոկտեմբերի կեսերին քաղաքը և շրջակա գյուղերը գրավեցին Իրաքի զինուժը և կառավարամետ «Հաշդ ալ-Շաաբի» խմբավորումը:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *