Թուրքիան Սիրիայի քրդական «Ժողովրդական ինքնապաշտպանության ջոկատների»` YPG-ի, դեմ գործողություններին ներգրավվելու համար Աֆրինի շրջան է ուղարկելու ցամաքային հեռակառավարվող մարտական ռոբոտներ (Uzaktan Kumandalı Atış Platformu — UKAP): Այս մասին հայտնում է Թուրքիայի պաշտպանական արդյունաբերության գլխավոր վարչությունը Twitter-ի իր միկրոբլոգում:
20+ İnsansız Kara Aracımız yakında TSK’ya teslim edilip, Zeytin Dalı Harekatı’nda kullanılacak. pic.twitter.com/Ha1FEdKNOC
— SSM (@SavunmaSanayii) February 22, 2018
Ըստ աղբյուրի՝ շուրջ 20 հեռակառավորվող ռոբոտ առաջիկայում ընդգրկվելու է Թուրքիայի զինված ուժերի սպառազինության մեջ և ուղարկվելու է Աֆրին:
Ռոբոտները արտադրում է թուրքական Katmerciler ընկերությունը: Առաջին անգամ այդ ռոբոտները ներկայացվել են 2017 թվականի դեկտեմբերին Անկարայում անկացված ռազմարդյունաբերական ցուցահանդեսի ժամանակ:
Ռոբոտները կառավարելու հեռավարությունը կազմում է 3 կմ: Մարտական ռոբոտների ծանրությունը կազմում է 1100կգ, օգտակար բեռնատարողությունը՝ 2000 կգ: Ռոբոտը համալրված է թուրքական «Ասելսան» ռազմարդյունաբերական ընկերության SARP մարտական մոդուլներով:
Թուրքական Katmerciler ընկերության արտադրության ցամաքային հեռակառավարվող մարտական ռոբոտներ