Փորձարկումների նպատակով Ռուսաստանի պաշտպանության նախարարությունը կգնի 2 գումարտակ «Արմատա» տանկ և մեկ գումարտակ ՀՄՄ՝ «Արմատայի» հիմքի վրա։ Այս մասին փետրվարի 9-ին հայտարարել է Ռուսաստանի պաշտպանության փոխնախարար Յուրիյ Բորիսովը «Ուրալվագոնզավոդ» կորպորացիա այցի ժամանակ:
Տ-14 «Արմատա» տանկը 2015-ի մայիսի 9-ի ՌԴ ԶՈւ զորահանդեսի ժամանակ
«Գաղտնիք չէ, որ մենք արդեն պայմանագիր ունենք փորձարկումների համար՝ 2 գումարտակ «Արմատա» տանկ և մեկ գումարտակ ծանր ԲՄՊ»– հայտարարել է Յուրիյ Բորիսովը։
Փոխնախարարը նաև հայտնել է, որ նոր տանկերի պետական փորձարկումները կմեկնարկեն 2018-ին, իսկ 2020-ին որոշում կկայացվի տանկի զանգվածային գնման մասով։
Հիշեցնենք, որ Ռուսաստանի զինված ուժերում տանկային գումարտակը հաշվվում է 42 տանկ, այսինքն մեկ տարվա ընթացքում զինված ուժերը պետք է համալրի շուրջ 80 միավոր Տ-14։