Թուրքական ժանդամերիան արդեն ներգրավվել է Աֆրինում քրդերի դեմ պատերազմին

Փետրվարի 12-13-ին Թուրքիան արդեն ժանդարմերիայի հատուկջոկատայինների ստորաբաժանում է ուղարկել Սիրիայի Աֆրին: Փետրվարի 13-իս կեսօրից ժանդարմներն արդեն ներգրավվել էին գործողություններին և մի փոքր էլ խորացել Աֆրինի հարավից: 

Թուրքական ժանդարմերիայի ուժերն առաջ են շարժվում դեպի Ջանդարիս, որն Աֆրինի հարավում ռազմավարական նշանակություն ունեցող կետերից մեկն է:

Նկատենք, որ թուրքական ժանդարմերիայի այս ստորաբաժանումները արդեն երկար տարիներ է, ինչ ներգրավված են Թուրքիայի տարածքում՝ լեռնային վայրերում և բնակավայրերում, քրդական ուժերի դեմ ռազմագործողություններին: Հաշվի առնելով այն փաստը, որ հունվարի 20-ից մինչ օրս Թուրքիայի բանակի հատուկջոկատայինները բավականին մեծ թվով կորուստներ են կրել, ամենայն հավանականությամբ, թուրքական կողմը որոշեց գործողությունների մեջ ներքաշել ժանդարմներին:

Թուրքակնա ժանդարմերիայի ուժերն առաջ են շարժվում «Քիրփի» և «Կոբրա» տեսակի զրահամեքենաներով:

Նշենք, նաև, որ թուրքական ACV-15 հետևակի մարտական մեքենաները մինչ օրս բավականին հեշտ թիրախ էին քրդական ուժերի համար:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *