Ռուսաստանյան ԿամԱԶ ընկերությունը պատրաստվում է 2015 թվականին սկսել «Տորնադո» անունը կրող ռազմական ավտոմեքենաների նոր սերնդի արտադրությունը։
Այս մասին հայտարարել է ընկերության գլխավոր տնօրեն Սերգեյ Կոգոգինը։
«ԿամԱԶ-ը նախագծել է «Տորնադո» բազմաֆունկցիոնալ ավտոմեքենաների նոր սերունդը, որի փորձարկումները կավարտվեն 2014 թվականին»,-նշել է Կոգոգինը։
Նա նաև հավելել է, որ 2015 թվականից նախատեսվում է սկսել «ԿամԱԶ Տորնադոների»զանգվածային արտադրությունը։ Նոր ավտոմեքենաների մասին այլ մանրամասներ դեռ չեն նշվում։
Հայտնի է, որ օրերս ԿամԱԶ գործարան էր այցելել ՌԴ պաշտպանության նախարար Սերգեյ Շոյգուն։