Թուրքիան սկսել է 4-րդ դիտարկման կետը ստեղծել Սիրիայի Իդլիբ նահանգում

Թուրքիայի զինված ուժերը նոր ստորաբաժանումներ է ուղարկել Սիրիայի Իդլիբ շրջան: Թուրքական կողմը նպատակ ունի Իդլիբի «անվտանգության գոտում» ստեղծել 4-րդ դիտարկման կետը: Այս մասին հայտնում է թուրքական պետական «Անադոլու» գորածակալությունը:

Թուրքիայի ԶՈւ ստորաբաժանումների հերթական խումբը ուղարկվել է Սիրիայի Իդլիբ նահանգ

Թուրքիայի ԶՈւ ստորաբաժանումների հերթական խումբը ուղարկվել է Սիրիայի Իդլիբ նահանգ

Ըստ աղբյուրի՝ թուրքական ստորաբաժանումները արդեն հասել են Իդլիբ: Թուրքիան արդեն 3 դիտորդական կետ է ստեղծել Իդլիբի տարածքում: Ընդհանուր առմամբ նախատեսվում է ստեղծել 12 դիտարկման կետ:

Ըստ թուրքական կողմի՝ դա արվում է Աստանայում սիրիական հակամարտության հարցում Ռուսաստանի և Իրանի հետ ձեռքբերված համաձայնությունների շրջանակներում:

Թուրքիայի զինուժը Իդլիբում սկսել է տեղակայվել 2017 թ. հոկտեմբերից:  Թուրքիայի զինուժը ներկայում տեղակայված է Իդլիբի հյուսիսում՝ «քրդական» Աֆրինից հարավ:

Նշենք, որ 2018-ի հունվարի սկզբին Սիրիայի կառավարական բանակը հարձակում էր սկսել Իդլիբի ուղղությամբ, ինչն առաջացրել էր Թուրքիայի դժգոհությունը: Թուրքական իշխանությունները նույնիսկ Ռուսաստանից և Իրանից պահանաջում էին «կանգնեցնել Ասադի զորքերին:

Այս տարվա հունվարի 20-ից սկսած թուրքական բանակը և Անկարայի աջակցող զինյալները ռազմական գործողություններ են սկսել նաև Աֆրին շրջանում քրդական ուժերի դեմ:

Ներկայում թուրքական կողմի վերահսկողության տակ է գտնվում նաև Սիրիայի Հալեպից հյուսիս՝ Ազազ-Ջերաբլուս հատվածը: Այդ տարածքները Թուրքիայի զինուժը գրավել է 2016-2017-ին իրականացված «Եփրատի վահան» գործողության ընթացքում:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *