Պաշտպանության նախարարության վարչական համալիրում հունիսի 8-ին հանդիսավոր միջոցառման ժամանակ «Գևորգ Վարդանյան» գերատեսչական առաջին մեդալ շնորհվեց ԽՍՀՄ հերոս, հայտնի հետախույզ Գևորգ Վարդանյանի այրուն՝ Գոհար Վարդանյանին։
Գոհար-Վարդանյան
Միջոցառմանը մասնակցում էին պաշտպանության նախարար Սերան Օհանյանը, ՀՀ առաջին տիկին Ռիտա Սարգսյանը, ԱԳ փոխնախարար Շավարշ Քոչարյանը, ԶՈւ ԳՇ պետ, գեներալ-գնդապետ Յուրի Խաչատուրովը, Հայաստանում Ռուսաստանի դեսպան Իվան Վոլինկինը, պաշտպանության նախարարի և ԳՇ պետի տեղակալները, բարձրաստիճան զինվորականներ, հետախուզության վետերաններ, հյուրեր։
Հանդիսավոր արարողության ժամանակ ներկայացվեց լեգենդար հետախույզի անցած ուղին։
«Վարդանյանների գործունեության միայն փոքր մասն է այսօր գաղտնազրկված, սակայն բացահայտվածն արդեն իսկ մեծ գործ է և բավարար Գևորգ Վարդանյանին դասելու աշխարհի խոշորագույն հետախույզների շարքում։
Ձեր խմբի կողմից 1943 թվավականի Թեհրանի կոնֆերանսի ժամանակ արվեց բացառիկ մի աշխատանք, որը արմատապես փոխեց ուժերի դասավորությունը Երկրորդ համաշխարհային պատերազմի ժամանակ: Դուք մեծ աջակցություն ունեցաք նաև Հայաստանի անկախության առաջին տարիներին, Արցախյան ազատամարտի, Արցախի անկախության կայացման գործում»,- նշեց Սեյրան Օհանյանը։