Դատելով քրդական աղբյուրներից մեկի հրապարակած տեսանյութից՝ Թուրքիայի զինված ուժերը և Անկարայի հովանավորյալ զինյալ խմբավորումները Սիրիայի Աֆրինում քրդական ուժերից գրավել են նաև արևմտյան Ռաջու քաղաքի դիմաց ընկած կարևոր բլուրներից մեկը:
Գերմանակն Bild պարբերականի քաղաքական մեկնաբաններից մեկը, ով ակտիվորեն զբաղվում է սիրիական հակամարտության լուսաբանմամբ, համեմատել է քրդական աղբյուրի հրապարակած տեսանյութը և նշված տեղանք՝ հանգելով այն եզրակացության, որ թուրքական զինուժը զբաղեցրել է նշված բարձունքը:
Եթե ավելի ուշադիր նայենք քարտեզին՝ ապա սա նշանակում է, որ թուրքական կողմի ճանապարհ է հարթել դեպի Ռաջու քաղաք: Մինչև նշված բնակավայրը նմանատիպ բարձրադիր բլուրներ այլևս չկան: Սակայն սա դեռ չի նշանակում, որ թուրքերը կկարողանան հեշտությամբ գրավել բնակավայրը: Դատելով վերջին տասը օրում թուրքական կողմի գործողություններից՝ առաջխաղացումը բավականին դանդաղ է ընթանում:
#NewsMap #YPG media confirms, #OliveBranch forces hold the mountains, overlooking #Rajo.https://t.co/m0TANXRoh1#Afrin #Syria pic.twitter.com/8hp9q0pCp3
— Julian Röpcke (@JulianRoepcke) January 29, 2018
Հիշեցնենք, որ թուրքական կողմը հունվարի 28-29-ին քրդական ուժերից կարողացել էր գրավել նաև Աֆրինի հյուսիս-արևելքում տեղակայված կարևոր բարձունքներից մեկը: Թուրքիան այդ բարձունքը կարողացավ վերցնել միայն ուժեղ հերտակոծման և հրթիռակոծման արդյունքում:
Աֆրին գործողության մասին ավելի մանրամասն՝ այստեղ: