Աֆրինում քրդական ուժերի դեմ Թուրքիայի զինուժի «Ձիթենու ճյուղ» գործողության հրամանատար, Թուրքիայի ցամաքային զորքերի 2-րդ բանակի հրամանատար, կորպուսի գեներալ (գեներալ-գնդապետ) Իսմայիլ Մեթին Թեմելը այցելել է թուրքական բանակի և հավատարիմ զինյալների գրաված Բուրսեյա բլուր: Այս մասին հայտնում է թուրքական պետական «Անադոլու» գործակալությունը:
Հրամանատարը ստուգումներ է անցկացրել բարձունքում, տվել է համապատասխան կարգադրություններ:
Հատկանշական է, որ «Ալ-Մոնիտոր» կայքի Թուրքիայի և քրդերի թեմաներով զբաղվող սյունակագիր Ամբերին Զամանը հայտնում է, որ քրդական ուժերը նորից հետ են գրավել Բուրսեյա բարձունքը:
Burseya Dağı’nda TSK ve ÖSO mensuplarının terör örgütü PYD/PKK militanları ile çatışma anları kameralara böyle yansıdı pic.twitter.com/z9iy26uWbL
— ANADOLU AJANSI (@anadoluajansi) January 29, 2018
Նշենք, որ հունվարի 28-ին ավելի քան մեկ շաբաթ շարունակվող գործողության արդյունքում Թուրքիայի զինուժը ի վերջո կարողացել է գրավել Սիրիայի Աֆրինի շրջանի Բուրսեյա բլուրը, ինչպես նաև հարակից մեկ գյուղ: Բուրսեյա բլուրը գտնվում է Սիրիայի Ազազ շրջանի դիմաց, որը թուրքական կողմի վերահսկողության տակ է:
Հիշեցնենք, որ Թուրքիայի զինուժը և «Սիրիայի ազատ բանակ» խմբավորումը Սիրիայի քրդական «Ժողովրդավարական միություն կուսակցություն» (PYD) խմբավորման և դրա ռազմական թև «Ժողովրդական ինքնապաշտպանության ջոկատներ» (YPG) դեմ ԱՖրինում գործողություններ են սկսել հունվարի 20-ից: Աֆրինի գործողության մասին ավելի մանրամասն՝ այստեղ: