Այս գիշեր, համաձայն ռուսական լրատվամիջոցների, Պակիստանի հյուսիս-արևմուտքում` Աֆղանստանի հետ սահմանակից Հյուսիսային Վազիրիստան շրջանում, ԱՄՆ Կենտրոնական հետախուզական վարչության անօդաչու թռչող սարքերի (ԱԹՍ) կողմից իրականացված հրթիռակոծման պատճառով 8 մարդ է սպանվել:
Հարձակման թիրախը եղել է Միրանշահ քաղաքի բնակելի տներից մեկը: Ենթադրվում է, որ հարվածի պահին այնտեղ են եղել պակիստանյան «Թեհրիք–ի-Թալիբան» շարժման գրոհայինները:
Նշենք, որ ԱՄՆ ԿՀՎ-ի օդուժի հարձակումը պակիստանյան տարածքի վրա առաջինն է Պակիստանում նոր կառավարության ձևավորումից և Նավազ Շարիֆի վարչապետի պաշտոնը ստանձնելուց սկսած: