Նոյեմբերյանի N զորամասի զորավարժարանում ներկայացվեց տանկով ցուցադրական վարժանքը։
Զորամասի զինծառայողները լրագրողներին և ՊՆ ներկայացուցիչներին ցուցադրեցին, թե ինչպես են նախ շարքից հանում հակառակորդի տանկը, ապա նաև ոչնչացնում նրա կենդանի ուժերը։
Ոչ երկար ցուցադրական վարժանքից հետո ՀՀ պաշտպանության նախարար Սեյրան Օհանյանը ներկայացրեց այս վարժանքի նշանակությունը և պատմեց, թե որքանով է կարևոր փորձն իրական մարտադաշտում պատերազմ վարելու համար։
Բանակային կորպուսի հրամանատարի տեղակալ գնդապետ Շահնազարյանը նույնպես ներկայացրեց, թե որն է այսպիսի վարժության նպատակը։
«Նպատակը զինվորի հոգեբանության մեջ վախի հաղթահարումն է, մարտի դաշտում պատրաստ լինել մեն-մենակ դուրս գալ զրահատեխնիկայի դեմ։ Այդ վախը հաղթահարելուց հետո կտրել հակառակորդի հարձակվող հրաձիգներին տանկից և տանկը ոչնչացնել հակատանկային նռնակների և հրաձգային զենքի միջոցներով»,- ասաց նա։
Վարժանքի տեսագրությունը՝ ստորև.