Հունվարի 13-ին ուկրաինացի բլոգեր diana-mihailova-ն հայտնել է, որ Ուկրաինան 2017 թ. Ադրբեջանի պետական սահմանապահ ծառայությանը (ՊՍԾ) վաճառել է 50 միավոր РК-2С և РК-2ОФ տեսակի կառավարվող հակատանկային հրթիռ:
Նույն բլոգերը նաև հրապարակել է փաստաղթի պատճեն (Screenshot)` նշելով, որ այն վերցրել է Ուկրաինայի մաքսային ծառայությունից:
Ըստ այս տեղեկության՝ 2017 թ. ապրիլին Ադրբեջանի ՊՍԾ-ն Ուկրաինայի «Ուկրսպեցէքսպորտ» պետական ընկերության միջոցով նույնպես ուկրաինական պետական «Լուչ» կոնստրուկտորական բյուրոյից գնել է «ցամաքային շարժվող և անշարժ թիրախներից խոցման» համար նախատեսված РК-2С և РК-2ОФ հակատանկային կառավարվող հրթիռներ (25-ական միավոր)՝ յուրաքանչյուրի համար վճարելով 48 հազար դոլար:
Ուկրաինան Ադրբեջանին հակատանկային հրթիռներ է վաճառել
Նշենք, որ այս հրթիռներն արտադրվել են նույնպես ուկրաինական «ՍԿԻՖ» հակատանկային հրթիռային համալիրների համար:
Ավելացում (22.01.2018). Նշված «ՍԿԻՖ» հակատանկային հրթիռային համալիրները համատեղ արտադրում են Ուկրաինան և Բելառուսը:
Հրթիռների մարտավարատեխնիկական բնութագրերը՝ ըստ արտադրող ընկերության.
| РК-2С, РК-2ОФ | |
| Հեռահարությունը
–Ցերեկ –Գիշեր |
100-5000մ 100-3000մ |
| Ուղղորդման համակարգ | Լազերային ճառագայթ |
| Մարտական մաս
–Տանդեմային կումուլյատիվ. դինամիկ զրահին հաջորդող զրահի խոցումը –Բեկորա-ֆուգասային, զրահահարությունը |
800մմ 60մմ |
| Կոնտեյներում հրթիռի զանգվածը | 29,5կգ |
| Տրամաչափը | 130մմ |
Հավելենք, որ 2011 թ. Ադրբեջանի պաշտպանական արդյունաբերության նախարար Յավեր Ջամալովը հայտնել էր, որ իրենք ուկրաինական «Լուչ» կոնստրուկտորական բյուրոյի հետ բանակցում են իրենց մոտ «Սկիֆ» և «Բարյեր» հակատանկային հրթիռային համալիրների արտադրությունը տեղայնացնելու շուրջ: Հետագայում սրա վերաբերյալ այլ տեղեկություններ չեն տարածվել: