2017-ի ընթացքում Թուրքիան Ադրբեջանին մատակարարել է շուրջ 34 միլիոն ամերիկյան դոլարի ռազմական և ավիացիոն նշանակության արտադրանք: 2016-ին Ադրբեջան արտահանումը կազմել է 83,6 միլիոն դոլարի արտադրանք, այսինքն անցած տարում արտահանումը նվազել է գրեթե 2 անգամ: Տվյալները վերցված են Թուրքիայի արտահանողների խորհրդի (Türkiye İhracatçılar Meclisi — TİM) կայքից:
Infogram
2017-ին Վրաստանը Թուրքիայից ստացել է 5,2 մլն ԱՄՆ դոլարի ռազմական-ավիացիոն արտադրանք: 2016-ին Վրաստան արտահանումը կազմել է 5,8 միլիոն դոլար:
Նույն ժամանակահատվածում Իրան է մատակարարվել 4,5 մլն դոլարի ռազմական-ավիացիոն նշանակության արտադրանք: 2016-ին Իրան արտահանումը կազմել է 6 միլիոն դոլար:
2017-ին Թուրքիայից ռազմական և ավիացիայի ոլորտում արտադրանքներ ներմուծած երկրների շարքում առաջատարներն են.
- ԱՄՆ — 692 միլիոն
- Գերմանիա — 208 միլիոն
- Հնդկաստան — 106,8 մլն
- Ֆրանսիա — 59 միլիոն
- Լեհաստան — 58,6 միլիոն
Ընդհանուր առմամբ 2017-ին Թուրքիան այլ երկրներ է արտահանել շուրջ 1,7 միլիարդ դոլարի ռազմական-ավիացիոն արտադրանք:
Միայն դեկտեմբեր ամսվա վիճակագրությունը հետևյալն է.
- Ադրբեջան — 4 մլն դոլար
- Վրաստան — 406 հազար դոլար
- Իրան — 447 հազար դոլար
Դեկտեմբեր ամսվա առաջատարներն են.
- ԱՄՆ — 69,4 մլն դոլար
- Հնդկաստան — 23,7 մլն դոլար
- Ֆրանսիա — 21 մլն դոլար
Infogram