Հունվարի 8-ին Սիրիայի կառավարական բանակը ճեղքել է Դամասկոսից արևելք ընկած Հարաստա քաղաքում տեղակայված զրահատեխնիկայի ռազմաբազայի շրջափակումը: Այս մասին հայտնում է Reuters գործակալությունը:
Դեկտեմբերի 31-ի լույս հունվարի 1-ի գիշերը Սիրիայում գործող «Ահրար ալ-Շամ» իսլամիստական խմբավորման զինյալները հարձակվել են և իրենց վերահսկողություն են սահմանել Հարաստայի ռազմաբազայի վրա՝ շրջափակելով այն մի քանի կողմից և կտրելով կապը կառավարական ուժերի վերահսկած տարածքներից:
#Harasta at the moment #SAA attacking terrorists positions. #Syria pic.twitter.com/iFrXjIt5AI
— Hamosh (@Hamosh84) January 7, 2018
Սիրիայի կառավարական ուժերը, Ռուսաստանի օդուժի աջակցությամբ դեռևս շարունակում են զինյալների դեմ ռազմական գործողությունները:
Հարաստա քաղաքը գտնվում է Արևելյան Գուտայի հարևանությամբ, որտեղ գործում են տարբեր զինյալ խմբավորումների մարտիկներ: Աստանայում բանակցությունների ընթացքում համաձայնություն է ձեռք բերվել այդ հատվածում և «անվտանգության գոտի» ստեղծել:
Սիրիայի կառավարական բանակը Հարաստայի ռազմաբազան օգտագործում է զինյալների դիրքերին հարվածելու համար:
#Damascus #Harasta With the recaptured of the mills area #SAA broke the siege of Armored Vehicle Base pic.twitter.com/oJoYBbHrtY
— @Suriyak (@Suriyakmaps) January 7, 2018