Դեկտեմբերի 27-ին Թուրքիայի անվտանգության գլխավոր տնօրինության (ոստիկանության) ստորաբաժանումները Ֆեթուլլա Գյուլենի «կառույցի հետ կապ ունենալու» մեղադրանքով ձերբակալել են 13 գործող զինվորականի: Այս մասին հայտնում է թուրքական պետական «Անադոլու» գործակալությունը:
Ձերբակալվածները սպաներ և ենթասպաներ են: Բացի այդ, ձերբակալվել է ևս մեկ կուրսանտ և մեկ գիտաշխատող: Ոստիկանության ուժերը գործողություններ են իրականացրել մի շարք նահանգներում և քաղաքներում, այդ թվում նաև Անկարայում և Ստամբուլում:
Ձերբակալվածները մեղադրվում են 2016-ի հուլիսի ռազմական հեղաշրջման փորձի մեջ մասնակցություն ունենալու համար:
Թուրքիայում 2016-ի ռազմական հեղաշրջման փորձից հետո զինված ուժերից հեռացվել և ձերբակալվել են բազմաթիվ զինծառայողներ։ Ձերբակալություններն ու զինվորականների դատավարությունը շարունակվում են մինչ այժմ։
Ձերբակալություններից ու հեռացումներից հետո զինված ուժերում և այլ կառույցներում զինծառայողների պակաս է նկատվում։ Չնայած Թուրքիայի իշխանությունները հայտարարում են ուժային կառույցները նոր զինծառայողներով համարելու մասին, այնուամենայնիվ դեռևս առկա է հատկապես սպաների և ռազմական օդաչուների պակաս։