ԱՄՆ գլխավորած կոալիցիան խոստանում է Սիրիայի կառավարության տարածքում ԻՊ դեմ գործողություն չանել

Դեկտեմբերի 27-ին Սիրիայում և Իրաքում ԱՄՆ գլխավորած կոալիցիայի հրամանատարի տեղակալ, բրիտանացի գեներալ Ֆելիքս Գիդնին հայտարարել է, որ իրենք «Իսլմական պետության» դեմ գործողություններ չեն անի Սիրիայի «վարչակարգի» վերահսկած տարածքներում՝ դրանք թողնելով սիրիական իշխանություններին: Փոխանցում է Reuters գործակալության բրիտանական ծառայությունը:

Բրիտանական աղբյուրը նշում է, որ ԱՄՆ գլխավորած կոալիցիան նման հայտարարություն տարածում է չնայած նախկինում ԱՄՆ պաշտոնյաների հնչեցրած հայտարարություններին, որ Սիրիայի «վարչակարգը» բավականին թույլ է՝ տարածքները ԻՊ-ից պաշտպանելու համար:

Դատելով բրիտանացի գեներալի հայտարարությունից՝ կոլաիցիայի ուժերը հարցի շուրջ համաձայնության են եկել Ռուսաստանի հետ:

Գեներալ Բիդնին նշում է, որ ներկայում ԻՊ ուժերը շարժվում են դեպի Սիրիայի կառավարության վերահսկած տարածքներ: Անդրադառնալով կոլաիցիայի՝ Սիրիայի և Իրաքի տարածքից դուրս գալուն՝ գեներալը նշում է, որ կգնան «երբ իրենց վերահսկած տարածքնեորւմ ոչնչացնեն ԻՊ-ին»:

Չնայած ավելի վաղ ՌԴ և ԱՄՆ նախագահները նշում էին, որ ԻՊ-ն «ոչնչացվել է»« բրիտանացի գեներալը նշում է, որ չնայած Իրաքի տարածքի ազատագրմանը, և մյուս գործողություններին՝ ԻՊ-ն դեռ չի ոչնչացվել:

 

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *