ՌԴ ԶՈւ 102-րդ ռամաբազան ու ՀՀ ԱԻՆ-ը համագործակցության պլան են ստորագրել

Դեկտեմբերի 26-ին ստորագրել են ՀՀ ԱԻՆ փրկարար ծառայության և Հայաստանում տեղակայված ՌԴ ԶՈւ 102-րդ ռազմաբազայի միջև համագործակցության պլանը: Այս մասին հայտնում է ՀՀ ԱԻՆ կայքը:

Պլանը ստորագրվել է ՀՀ ԱԻՆ ՓԾ տնօրեն, գեներալ-մայոր Մ. Ղազարյանի և Հայաստանում տեղակայված ՌԴ ԶՈւ 102-րդ ռազմաբազայի զորամասի հրամանատար գնդապետ Ելկանովի կողմից:

Համագործակցության պլանով նախատեսված է ապահովել

  • տարերային և տեխնածին արտակարգ իրավիճակների ծագման կամ ծագման վտանգների մասին ազդարարում և տեղեկատվության փոխանակում,
  • համատեղ ուսումնավարժությունների անցկացում,
  • վթարավերականգնողական փրկարարական աշխատանքների կազմակերպում,
  • արտակարգ իրավիճակներում տուժածների կենսագործունեության ապահովման միջոցառումների իրականացում:

Համագործակցության պլանի խնդիրներից է նաև քիմիական, կենսաբանական և ճառագայթային վարակների ենթարկված տարածքների բացահայտումը, սանիտարական միջոցառումների, արտակարգ իրավիճակներից հետո վերականգնողական միջոցառումների համատեղ իրականացումը և այլն:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *