Կիբերսպառնալիքները կանխարգելելու, կանխելու և դրանց դեմ հակազդման մեխանիզմներ մշակելու, կիբեռանվտանգության արդյունավետ համակարգ ձևավորելու համար կստեղծվի կիբեռանվտանգության կենտրոն։
ՀՀ կառավարության «Կիբերանվտանգության ռազմավարությունը հաստատելու մասին» արձանագրային որոշման նախագիծը հրապարակվել է e-draft.am կայքում:
Կիբերանվտագության կենտրոնը լինելու է առանձնացված կառույց:
Կիբերանվտանգության կենտրոնի հիմնական գործառույթներն են լինելու.
- կիբերանվտանգության միասնական և անհատական՝ ըստ ոլորտային նշանակության ռազմավարության և քաղաքականության մշակման ու համակարգման,
- կիբերանվտանգության կանխարգելման գործընթացների աուդիտի և համակարգման,
- պետական մարմիների հետ աշխատանքների փոխկապակցության ապահովման և մասնագիտական խորհրդատվության տրամադրման,
- կրթական գործընթացների կազմակերպման,
- միջազգային փորձի ուսումնասիրման և տեղայնացման աշխատանքների իրականացումը:
Նախագծի մեջ նշվում է, որ տարիների ընթացքում այս ոլորտում տարբեր գերատեսչությունների կողմից իրականացվել է որոշակի գործունեություն, ընդունվել են տեղեկատվական անվտանգության առանձին ուղղությունները կանոնակարգող հայեցակարգային և իրավական փաստաթղթեր, այդուհանդերձ կիբեռանվտանգության ոլորտը պահանջում է հստակ կանոնակարգում:
Կիբեռանվտանգության կենտրոնը կարող է ստեղծվել 2 տարբերակով.
- ՀՀ կառավարությանը կից մարմնի տեսքով՝ իր աշխատակազմով, գույքով, կանոնադրությամբ և պետական բյուջեով նախատեսված հատկացումների հիման վրա:
- Արդեն իսկ գործող պետական մարմնի կամ պետական մարմնի կողմից ստեղծված կազմակերպության (հիմնադրամի) վերամիավորման շրջանակներում: