Թուրքիայում դեռ չի հաջողվում ռազմական օդաչուների պակասը լրացնել

Թուրքիայի զինված ուժերը մինչև 2020 թ. վերջ երկարաձգել է նախկին օդաչուներին զինուժ ընդունելու դիմումների ժամկետը: Թուրքիայի ՌՕՈւ ընդւոնվում են նախկինում զինուժի հետ կապը խզած օդաչուները, ինչպես նաև քաղավիացիայի օդաչուները, ովքեր կցանկանան զինուժ մտնել: Այս մասին հայտնում է թուրքական պետական «Անադալու» լրատվական գործակալությունը:

Թուրքիայի ԶՈւ ռազմական օդաչու, (ձախից), հեղաշրջման փորձից հետո ձերբակալված օդաչուներ (աջից)

Թուրքիայի ԶՈւ ռազմական օդաչու, (ձախից), հեղաշրջման փորձից հետո ձերբակալված օդաչուներ (աջից)

Մրցույթին կարող են դիմել ինչպես առևտրական, այնպես էլ՝ բեռանփոխադրող ինքնաթիռների օդաչուները:

Թուրքիայում ռազմակն օդաչուների խիստ պակաս զգացվում էր դեռևս մինչև 2016 թ. ռազմական հեղաշրջման փորձը: 2016 թ. հուլիսից հետո դա ավելի սրվեց, քանի որ մինչ օրս հեղաշրջման փորձին մանսակցելու մեղադրանքով արդեն հարյուրավոր օդաչուներ են ձերբակալվել:

2017 թ. սկզբին հայտնի դարձավ, որ Թուրքիայի զինուժը փորձում է օդաչուներ բերել քաղաքավիացիայից, սակայն այդ դեպքում քաղաքավիացիայի ոլորտում կարող էր օդաչուների պակաս առաջանալ: Հավանաբար մինչ օրս չի հաջողվել գտնել բավարար թվով օդաչուներ, ինչով էլ բացատրվում է մրցույթը մինչև 2020 թ. վերջ երկարացնելը:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *