Հայաստանում ՌԴ ԶՈւ ռազմաբազայի քիմիական, ռադիացիոն, կենսաբանական պաշտպանության ուժերը վարժանքներ են անում «Կամխուդ» բարձրլեռնային զորավարժարանում: Սրան զուգահեռ վարժանքներ են անում ՌԴ ԶՈւ ռազմաբազայի տանկային և հետևակի մարտական մեքենաների հաշվարկները: Այս մասին Ռազմինֆոյին հայտնում են ՌԴ ԶՈւ Հարավային ռազմական շրջանի մամուլի ծառայությունից:
Հայաստանում ՌԴ ԶՈՒ ռազմաբազայի քիմիական պաշտպանության ուժերի վարժանքներից. 21.12.2017
Քիմիական, ռադիացիոն և կենսաբանական պաշտպանության ստորաբաժանումները «Կամխուդում» «ապաակտիվացնում» են վարակված զինտեխնիկան, զենք-զինամթերքը:
Սցենարի համաձայն՝ նրանք գործում են պայմանական հակառակորդի անօրինական զինված խմբավորման դեմ, որն օգտագործել է քիմիական զենք՝ կիրառելով ՌԽՄ-6 հետախուզական քիմիական մեքենա:
Վարժանքների ներգրավվել է շուրջ 100 զինծառայող, 30 միավոր զինտեխնիկա:
Սրան զուգահեռ ՌԴ ռազմաբազայի տանկային և հետևակի մարտական մեքենաների ստորաբաժանումները անցնում են «Տանկային բիաթլոնի» և «Սուվորովյան հարձակում» մրցումների նախնական փուլը:
Այս զորավարժությանը ներգրավվել է ՌԴ ռազմաբազայի ավելի քան 200 զինծառայող և 50 միավոր զինտեխնիկա:
Հայաստանում ՌԴ ԶՈւ ռազմաբազայի ՀՄՄ ստորաբաժանում