Սիրիայում Իրանի հատուկջոկատային զինծառայող է սպանվել

Սիրիայի Դեր Զոր քաղաքում «Իսլամական պետություն» ահաբեկչական խմբավորման դեմ մարտերում սպանվել է Իրանի իսլամական հեղափոխության պահապանների կորպուսի (ԻՀՊԿ) «Սաբերին» հատուկջոկատային բրիագդի սպա Մեհդի Ղարեմոհամմադին։ Այս մասին դեկտեմբերի 13-ին տեղեկացնում է իրանական «Թասնիմ» լրատվական գործակալությունը։

Զինծառայողը Իրանի Մազանդարան նահանգից էր, 32 տարեկան։

Սիրիայում սպանված ԻՀՊԿ «Սաբերին» հատուկջոկատայինների բրիգադի զինծառայող Մեհդի Ղարեմոհամմադին

Սիրիայում սպանված ԻՀՊԿ «Սաբերին» հատուկջոկատայինների բրիգադի զինծառայող Մեհդի Ղարեմոհամմադին

Մինչ օրս Սիրիայում Իրանի ունեցած կորուստները ավելի շատ են, քան Թուրքիայի և Ռուսաստանի հայտնի կորուստները միասին վերցրած։ Չնայած այս կորուստներին՝ Իրանը պնդում է, որ Սիրիայում չունի մարտական ստորաբաժանումներ և այնտեղ է ուղարկում միայն ռազմական խորհրդատուներ, իսկ զոհվող մարտիկները՝ կամավորներ են։

Նշենք, որ Սիրիայում Իրանի աջակցությամբ կռվում են նաև գլխավորապես  աֆղանցիներից կազմված «Ֆաթեմյուն» և պակիստանցիներից կազմված «Զեյնաբիունի» ջոկատները։

Սիրիայում  Իրանի գործողությունները համակարգում է ԻՀՊԿ «Ղոդս» ստորաբաժանումը՝ Ղասեմ Սոլեյմանիի հրամանատարությամբ։

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *