Իրանի իսլամական հանարապետությունում ՀՀ դեսպան Արտաշես Թումանյանը դեկտեմբերի 12-ին հանդիպել է այդ երկրի պաշտպանության և զինված ուժերի աջակցման նախարար, բրիգադային գեներալ Ամիր Հաթամիին: Այս մասին տեղեկացնում է Հայաստանի արտգործնախարարության մամուլի ծառայությունը։
Իրանում ՀՀ դեսպան Արտաշես Թումանյանի և Իրանի պաշտպանության նախարար Ամիր Հաթամիի հանդիպումը
Հանդիպման ընթացքում կողմերը քննարկել են երկկողմ հարաբերություններին, տարածաշրջանային իրադարձություններին վերաբերող հարցեր։ Անդրադառնալով Արցախյա հակամարտությանը՝ կողմերը կարևորել են դրա խաղաղ կարգավորման անհրաժեշտությունը։
Հանդիպմանը դեսպան Թումանյանը գոհունակություն է հայտնել պաշտպանության ու անվտանգության բնագավառում հայ-իրանական հարաբերությունների ներկա վիճակի կապակցությամբ:
Նշենք, որ Ամիր Հաթամին Իրանի պաշտպանության նախարարի պաշտոնը զբաղեցնում է 2017-ի օգոստոսից։
Իրանում ՀՀ դեսպան Արտաշես Թումանյանի և Իրանի պաշտպանության նախարար Ամիր Հաթամիի հանդիպումը