Իրանի իսլամական հեղափոխության պահապանների կորպուսի (ԻՀՊԿ) ռազմածովային ուժերը համալրվել են Ռուսաստանից ստացած 4 միավոր Լա-8 երկկենցաղ ինքնաթիռներով: Ինքնաթիռների ներկայացման պաշտոնական արարողությունը անցկացվել է Բանդարաբասում, դեկտեմբերի 13-ին: Այս մասին տեղեկացնում է իրանական «Ֆարս» լրատվական գործակալությունը:
Ինքնաթիռներն օգտագործվելու են հետախուզության, պարեկության, որոնողափրկարարական գործողությունների և այլ նպատակներով:
Լա-8 երկկենցաղ ինքնաթիռ. Իրանի ԶՈւ
Լա-8 ինքնաթիռներ ձեռք բերելու պայմանագիր Իրանն ու Ռուսաստանը կնքել են 2011թ. դեկտեմբերին: Պայմանագրով Իրանին պետք է մատակարարվեր 5 միավոր ինքաթիռ: Ինքնաթիռներից մեկն Իրանում վթարվել էր փորձարկումների ժամանակ՝ 2012-ի հուլիսին:
Լա-8 ինքնաթիռները շահագործվում են 2004 թվականից: Ինքնաթիռների Լա-8Ս մոդիֆիկացիայի առավելագույն արագությունը 275կմ/ժ է, թռիչքի հեռավորությունը՝ 1200կմ, թռիչքի առաստաղը՝4500մ:
Լա-8 երկկենցաղ ինքնաթիռ. Իրանի ԶՈւ