«Հայկական կողմի արձակած կրակից» սպանվել է Ադրբեջանի ԶՈւ զինծառայող Սալահով Ֆիզուլի Սուլեյման օղլուն (Salahov Fizuli Süleyman oğlu): Այս մասին այսօր՝ դեկտեմբերի 14-ին, հայտնում է Ադրբեջանի ՊՆ կայքը:
Ըստ բաց աղբյուրների ուսումնասիրության՝ կարող ենք պնդել, որ սպանված զինծառայողը ժամկետային չէր: Սալահով Ֆիզուլիին պարգևատրել է նաև Ադրբեջանի նախագահը:
[Թարմացում] Ըստ բաց աղբյուրների ուսումնասիրության՝ սպանվածը Ադրբեջանի ԶՈւ զորամասերից մեկի գումարտակի հրամանատար էր:
Սոցցանցերում նշվում է, որ Սալահով Ֆիզուլի Սուլեյման օղլուն ավագ ենթասպա էր: Ադրբեջանի նախագահը պարգևատրել էր 2005 թվականին:
Իլհամ Ալիևը պարգևատրում է Ադրբեջանի ԶՈւ սպանված զինծառայող Սալահով Ֆիզուլի Սուլեյման օղլուին (Salahov Fizuli Süleyman oğlu)
Ընդհանուր առմամբ՝ բաց աղբյուրների հետազոտության արդյունքում հայտնի է դարձել 2017-ին մահացած Ադրբեջանի բանակի 55 զինծառայողի անուն։ Մահացած 1 զինծառայողի անուն էլ հայտնի չէ:
Հայտնի է դարձել ևս 3 անձանց մահվան մասին, որոնց դեպքում հավանականությունը մեծ է, որ նրանք կարող են Ադրբեջանի ներքին զորքերից լինել: Բավարար փաստերի պակասի պատճառով այս 3 հոգուն ցուցակում դեռ չենք ներառել: