Ըստ ստոկհոլմյան SIPRI ինստիտուտի տվյալների՝ 2016 թ. ամենաշատ ռազմական արտադարանք վաճառած 100 երկրի ցանկում կա 10 ռուսաստանյան ընկերություն: Ըստ որում՝ նշվածների մեծ մասը կորպորացիաներ են, որոնց կազմում կան տարբեր առաջատար ընկերություններ: Ռուսաստանին բաժին է ընկել համաշխարհային զենքի վաճառքի 7,1 տոկոսը (26,6 մլրդ ԱՄՆ դոլար):
Վերջին տարիներին Ռուսաստանի ռազմարդյունաբերական ընկերությունները զգալիորեն ավելացրել են ռազմական արտադրանքի վաճառքի ծավալները: Ըստ նույն SIPRI-ի՝ 2015 թ. ՌԴ-ին բաժին էր ընկել զենքի համաշխարհային վաճառքի 3,8 տոկոսը:
2016 թ. արդյունքներով Ռւոսաստանի խոշորագույն ռազմական արտադրանք վաճառած ընկերությունը «Միավորված ավիաշինական կորպորացիան է»՝ 5 մլրդ 160 մլն ԱՄՆ դոլարի սպառազինության վաճառքով: Այն զբաղեցնում է աշխարհում 13-րդ հորիզոնականը: Սակայն, ինչպես արդեն նշել էինք, ցուցակում չկան չինական ընկերությունները, ինչը կարող էր զգալիորեն փոխել պատկերը:
Ընկերություն | վաճառք (մլն $) |
13. Объединенная авиастроительная корп. | 5160 |
19. Объед. судостроительная корп. | 4030 |
24. Алмаз-Антей | 3430 |
29. Вертолеты России | 2910 |
35. Тактическое ракетное вооружение | 2530 |
44. Высокоточные комплексы | 1970 |
50. Объед. двигателестр. корп. | 1710 |
52. Уралвагонзавод | 1680 |
53. «Концерн Радиоэлектронные технологии» | 1610 |
56. Объед. приборостроительная корпорация | 1580 |
Ավելացնենք, որ 2016 թ. տվյալներով համաշխարհային զենքի վաճառքի շուրջ 58 տոկոսը բաժին էր ընկել Միացյալ Նահանգներին: Թուրքիան ցուցակում ներկայացված է երկու ռազմարդյունաբերական ընկերությամբ:
Այս ցուցակները բավականին հարաբերական են, քանի որ շատ հաճախ ցուցակ կազմող ինստիտուտները, կայքերը հիմնվում են բաց աղբյուրների տվյալների վրա, որոնք կարող են ստույգ չլինել:
Ավելի վաղ՝ 2017 թ. հուլիսին, ամերիկյան Defense News պարբերականը լավագույն 100-ի ցանկում ընդամենը 6 ռուսական ընկերություն էր ընդգրկել: