Դեկտեմբերի 11-ին ՌԴ նախագահ Վլադիմիր Պուտինն այցելել է Սիրիայում ՌԴ ԶՈՒ «Հմեյմիմ» ավիաբազա: ՌԴ նախագահը պաշտպանության նախարարությանը հրահանգել է սկսել Սիրիայի տարածքից ռուսաստանյան զինուժի դուրսբերումը: Այս մասին հայտնում է ռուսաստանյան «ՏԱՍՍ» լրատվական գործակալությունը:
Սիրիայում ՌԴ ԶՈւ զինծառայող
«Պաշտպանության նախարարին, զինված ուժերի գլխավոր շտաբի պետին հրամայում եմ՝
Սկսել ռուսաստանյան զորախմբի զորքերի տեղափոխումը հիմնական տեղակայման վայրեր», – հայտարարել է Վլադիմիր Պուտինը:
ՌԴ նախագահը մեկ անգամ ևս ընդգծել է, որ իրենք սիրիական բանակի հետ համատեղ «ջախջախել են» «Իսլամական պետություն» ահաբեկչական խմբավորմանը: ՌԴ նախագահի խոսքերով՝ հենց այդ պատճառով որոշել են Սիրիայում ՌԴ ԶՈւ ստորաբաժանումների «զգալի մասը դուրս բերել Սիրիայից»:
Հիշեցնենք, որ նոյեմբերի 29-ին Ռուսաստանի Դաշնային խորհրդի պաշտպանության և անվտանգության հանձնաժողովի ներկայացուցիչը հայտարարել էր, որ Սիրիայից Ռուսաստանի ռազմաօդային ուժերի ստորաբաժանումների դուրս բերելուց հետո այնտեղ, այնուամենայնիվ, կշարունակեն մնալ հիմնական զինատեսակները՝ ինքնաթիռները, զրահատեխնիկան, ՀՕՊ համակարգերը, այդ թվում՝ Ս-400 համալիրները: