Razm.info մասնագիտացված կայքը բաց աղբյուրների մշտադիտարկման արդյունքում 2017թ. նոյեմբերին Ադրբեջանի պաշտպանական և անվտանգության համակարգերում արձանագրել է մահվան 2 դեպք, երկուսն էլ ոչ մարտական են:
• [Լրացում – 10/1/2018] Հայտնի դարձավ, որ նոյեմբերի 19-ին Ադրբեջանի Գյոյգյոլի շրջանում ավտովթարի է ենթարկվել ապա նույն օրը հիվանդանոցում մահացել Ադրբեջանի ԶՈւ պայմանագրային զինծառայող, հետախույզ, 1993 թ. ծնված Նեբիև Էլխան Ինթիզամ օղլուն (Nəbiyev Elxan İntizam oğlu):
• Նոյեմբերի 23-ին ՀՀ պետական սահմանի հարավ-արևմտյան հատվածում տեղակայված մարտական դիրքերից մեկի դիմաց՝ միջդիրքային տարածքում, ՀՀ ԶՈւ զինծառայողները հայտնաբերել էին Ադրբեջանի ԶՈւ զինծառայող Ջալիբեյլի Բահրուզ Փարվիզ օղլուի (Cəlilbəyli Bəhrüz Pərviz oğlu) դին: Նա այս տարվա սեպտեմբերին սպանել էր իր 3 ծառայակիցներին և փախել:
Ադրբեջանի ԶՈւ մահացած զինծառայող Ջալիբեյլի Բահրուզ Փարվիզ օղլու (Cəlilbəyli Bəhrüz Pərviz oğlu)
Ընդհանուր առմամբ՝ բաց աղբյուրների հետազոտության արդյունքում հայտնի է դարձել 2017 -ի հունվարի 1-ից նոյեմբերի 30-ը Ադրբեջանի բանակի 53 զինծառայողի մահվան մասին։ Մահացած 1 զինծառայողի անուն էլ հայտնի չէ:
Հայտնի է դարձել ևս 3 անձանց մահվան մասին, որոնց դեպքում հավանականությունը մեծ է, որ նրանք կարող են Ադրբեջանի ներքին զորքերից լինել: Բավարար փաստերի պակասի պատճառով այս 3 հոգուն ցուցակում դեռ չենք ներառել:
| Ամիս | Մարտական | Ոչ մարտ. | Վիրավոր*** |
| Հունվար | 1 | 3* | ” |
| Փետրվար | 9 | 1 | ” |
| Մարտ | 3 | 2 | 2 |
| Ապրիլ | 1 | 5** | 1 |
| Մայիս | 1 | 3 | ” |
| Հունիս | 3 | 3*** | ” |
| Հուլիս | 1 | 3 | 2 |
| Օգոստոս | 0 | 5 | 1 |
| Սեպտեմբեր | 0 | 5 | ” |
| Հոկտեմբեր | 1 | 3 | ” |
| Նոյեմբեր | 0 | 2 | ” |
| Ընդհանուր | 20 | 35 | 6 |
* Նշված 3-ից բացի, հայտնի է ևս մեկ սպանվածի մասին, ում դեպքում զինծառայող լինելու մասին տվյալներն առայժմ չեն հաստատվել:
** Ապրիլ ամսին կա անհայտ հանգամանքներում մահացած մեկ զինծառայող, որին ներառել ենք ոչ մարտական կորուստների ցանկում:
*** Հունիս ամսին կա անհայտ հանգամանքներում մահացած մեկ կորուստ, որին ներառել ենք ոչ մարտական կորուստների ցանկում:
**** Վիրավոր զինծառայողների դեպքում տվյալները սահմանափակ են. Ադրբեջանի ՊՆ-ն և պաշտոնական աղբյուրները գրեթե գրեթե տվյալներ չեն հայտնում:
Հայկական զինուժի կորուստները՝ այստեղ: