Իրանը նոր ռազմանավ է տեղակայել Կասպից ծովում

Դեկտեմբերի 5-ին Իրանի բանակի ռազմածովային ուժերը ներկայացրել են իրենց նոր «Սեփար» («վահան») հրթիռային նավը, որը համալրել է Իրանի ՌԾՈւ Կասպյան նավատորմը։ Նավը կառուցվել է երկուսուկես տարվա ընթացքում։  Այս մասին տեղեկացնում է իրանական «Թասնիմ» լրատվական գործակալությունը։

«Սեփար» նավի երկարությունը 47 մետր է, բարձրությունը 3,90 մ, արագությունը՝ 65կմ/ժ, զինված է «մակերևույթ-մակերևույթ» դասի հրթիռներով, 40 և 76մմ հրանոթներով։

Իրանի ՌԾՈւ «Սեփար» հրթիռային նավը Կասպից ծովում

Իրանի ՌԾՈւ «Սեփար» հրթիռային նավը Կասպից ծովում

Հավելենք, որ Իրանի բանակի ռազմածովային ուժերը հաջորդ տարի (իրանական օրացույցով՝ 2018թ. մարտի 21- 2019թ. մարտի 20) համալրվելու են «Սահանդ» ականակիր նավով։  «Սահանդից» հետո կներկայացվի «Շիրազ» ականակիրը, որի կառուցումն ընթացքի մեջ է։

Իրանի ռազմածովային ուժերի ռազմանավերի մեծ մասը տեղակայված է երկրի հարավային ռազմածովային բազաներում, մասնավորապես Պարսից ծոցի պաշտպանությունն ապահովելու համար:

Ավելի փոքրաթիվ Կասպյան նավատորմը տեղակայված է Բանդար Անզալի նավահանգստում, որտեղից վերջին տարիների ընթացքում իրանական ռազմանավերը մի քանի բարեկամական այցելություններով մեկնել են Ադրբեջանի, Ռուսաստանի,  Ղազախստանի նավահանգիստներ:

Իրանի ՌԾՈւ «Սեփար» հրթիռային նավը Կասպից ծովում

Իրանի ՌԾՈւ «Սեփար» հրթիռային նավը Կասպից ծովում

Իրանի ՌԾՈւ «Սեփար» հրթիռային նավը Կասպից ծովում

Իրանի ՌԾՈւ «Սեփար» հրթիռային նավը Կասպից ծովում

Իրանի ՌԾՈւ «Սեփար» հրթիռային նավը Կասպից ծովում

Իրանի ՌԾՈւ «Սեփար» հրթիռային նավը Կասպից ծովում

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *