Իրանի իսլամական հեղափոխության պահապանների կորպուսի (ԻՀՊԿ) ցամաքային զորքերի փոխհրամանատար է նշանակվել գեներալ Ռուհոլլահ Նուրին, ով այս պաշտոնում փոխարինել է բրիգադային գեներալ Աբադոլլահ Արաղիին։ Այս մասին դեկտեմբերի 4-ին տեղեկացնում է իրանական «Թասնիմ» լրատվական գործակալությունը։
Մինչ այս Նուրին զբաղեցրել է Իրանի Քերման նահանգի ԻՀՊԿ զորքերի հրամանատարի պաշտոնը։
ԻՀՊԿ ցամաքային զորքերի փոխհրամանատար, գեներալ Ռուհոլլահ Նուրին
Հիշեցնենք, որ ավելի վաղ նոր նշանակումներ էին տեղի ունեցել Իրանի բանակում։
Իրանի հոգևոր առաջնորդ Ալի Խամենեիի հաստատումով Իրանի բանակի ռազմածովային ուժերի նոր հրամանատար էր նշանակվել դերծովակալ Հոսեյն Խանզադին, ով այս պաշտոնում փոխարինել է դերծովակալ Հաբիբոլահ Սայարիին։
Հաբիբոլահ Սայարին իր հերթին նշանակվել է Իրանի բանակի հրամանատարի համակարգող տեղակալի պաշտոնում։ Իսկ այս պաշտոնը զբաղեցնող Մոհամմադ Հոսեյն Դադրասը նշանակվել է Իրանի բանակի փոխհրամանատարի պաշտոնում։
Դադրասը այս պաշտոնում փոխարինել է Ահմադ Ռեզա Փուրդասթանին, ով Իրանի բանակի փոխհրամանատարն էր 2016-ի նոյեմբերից։ Իսկ Փուրդասթանը նշանակվել է բանակի ռազմավարական հետազոտությունների կենտրոնի տնօրեն։