Դեկտեմբերի 3-ին Ռուսաստանի ԶՈւ Տու-22Մ3 հեռահար ռմբակոծիչները կրկին հարվածել են «Իսլամական պետություն» ահաբեկչական խմբավորման դիրքերին Սիրիայի Դեր Զոր նահանգի հարավ-արևելյան հատվածում: Այս մասին հայտնում է ՌԴ պաշտպանության նախարարությունը:
Дальние бомбардировщики Ту-22М3 нанесли авиационный удар по объектам террористов в #СИРИЯ pic.twitter.com/m7jXj2DLUs
— Минобороны России (@mod_russia) December 3, 2017
Հեռահար ռմբակոծիչներին ուղեկցել են նաև Սիրիայի «Հմեյմիմ» ռազմաբազայում տեղակայված Սու-30ՍՄ կործանիչները: Հարվածները հասցվել են հիմնականում ԻՊ-ի պահեստների, տեխնիկայի ուղղությամբ: Ռմբակոծիչները օդ են բարձրացել Ռուսաստանի տարածքից:
ՌԴ օդուժը հաճախ է հարվածում «Իսլամական պետության» դիրքերին: Բացի օդուժից, ՌԴ ռազմանավերը իսլամիստ զինյալների դիրքերի ուղղությամբ երբեմն հրթիռներ են արձակում Միջերկրական ծովից:
Ներկայում Սիրիայի կառավարական բանակը շարունակում է ռազմական գործողությունները ԻՊ դեմ Դեր Զորում՝ մասնավորապես Եփրատ գետի հատվածում: Դեկտեմբերի 3-ին հայտնի է դարձել, որ Սիրիայի կառավարական բանակը ազատագրել է ևս 8 բնակավայր: