Ադրբեջանի զինված ուժերի զինծառայողը սպանել է ծառայակցին։ Ադրբեջանական պաշտպանության նախարարության պաշտոնական կայքի փոխանցմամբ՝ դեպքը տեղի է ունեցել Ֆիզուլիի շրջանի N զորամասում։
Ադրբեջանական բանակի շարքային Հուսեյնով Ալի Հուսեին օղլուն իրեն ամրակցված ինքնաձիգից կրակ է արձակել մեկ այլ շարքային Ռահիմով Միրգասիմ Վուղար Օղլուի վրա՝ սպանելով նրան։
Դեպքի վերաբերյալ քրեական գործ է հարուցվել, հետաքննությունը շարունակվում է։
Այլ մանրամասներ դեռ չեն հաղորդվում։