Նոյեմբերի 30-ին Ադրբեջանում անցկացվել են ՊՆ բարձրագույն ռազմական դպրոցի կուրսանտների կրակային վարժանքներ: Զորավարժության հիմնական փուլն անցկացվել է «Ղարահեյբեթ» զորավարժարանում: Այս մասին հայտնում է Ադրբեջանի ՊՆ կայքը:
Ադրբեջանի ԶՈւ կուրսանտների վարժանքներից
Հիշեցնենք, որ բարձրագույն ռազմական դպրոցի կուրսանտների դաշտային վարժանքները մեկնարկել են նոյեմբերի 28-ին: Զորավարժությանը ներգրավվել են միայն ավարտական՝ 4-րդ կուրսի կուրսանտները:
Հավելենք, որ նախորդ երկու շաբաթվա ընթացքում Ադրբեջանի զինուժում անցկացվեցին խոշորամասշտաբ հրամանատարաշտաբային զորախաղեր, որից հետո մեկնարկեցին առանձին ստորաբաժանումների զորավարժությունները:
Հրամանատարաշտաբային զորավարժությունների շրջանակում նոյեմբերի 18-ին վարժանքներ էին անցկացվել Ադրբեջանի ռազմածովային ուժերի ստորաբաժանումներում, իսկ նոյեմբերի 18-19-ը՝ Նախիջևանի առանձին համազորային բանակում:
Հոդվածի հեղինակ՝
Միլենա Այվազյան