Վիգեն Սարգսյանը Մինսկում մասնակցում է ՀԱՊԿ երկրների ՊՆ, ԱԳՆ, ԱԱԽ քարտուղարների նիստին

Այսօր՝ նոյեմբերի 30-ին, Բելառուսի մայրաքաղաք Մինսկում մեկնարկել է ՀԱՊԿ անդամ պետությունների արտաքին գործերի, պաշտպանության նախարարների խորհրդի և ազգային անվտանգության խորհրդի քարտուղարների հերթական համատեղ նիստը: Նիստին մասնակցում են նաև ՀՀ ՊՆ Վիգեն Սարգսյանը, ինչպես նաև արտգործնախարար Էդվարդ Նալբանդյանը:

Համաձայն ՀՀ ՊՆ կայքում հրապարակված հաղորդագրության՝ Վիգեն Սարգսյանը նիստից առաջ աշխատանքային հանդիպումներ է անցկացրել ՀԱՊԿ անդամ պետությունների իր գործընկերների, այդ թվում նաև՝ ՌԴ ՊՆ Սերգեյ Շոյգուի հետ:

Հայաստանի, Ռուսաստանի, Ղազախստանի և Տաջիկստանի պաշտպանության նախարարները Մինսկում՝ ՀԱՊԿ նիստից առաջ. 30.11.2017

Հայաստանի, Ռուսաստանի, Ղազախստանի և Տաջիկստանի պաշտպանության նախարարները Մինսկում՝ ՀԱՊԿ նիստից առաջ. 30.11.2017

Նիստի ընթացքում քննարկվելու են ՀԱՊԿ գործունեությանն առնչվող մի շարք հարցեր, այդ թվում՝ միջազգային ահաբեկչության, թմրամիջոցների տարածման, անօրինական միգրացիայի դեմ պայքարի հիմնախնդիրներ։

Նախարարների նիստին պետք է հաջորդի հիմնական գագաթնաժողովը՝ ՀԱՊԿ անդամ երկրների ղեկավարների մասնակցությամբ: Այստեղ Բելառուսը կառույցի նախագահությունը կփոխանցի Ղազախստանին, որի նախագահը պետք է ներկայացնի իր երկրի առաջնահերթությունները: Կողմերը կքննարկեն կառույցի հետագա գործունեության հետ կապված հարցեր:

Նոյեմբերի 27-ին համաձայնեցվել են հիմնական հարցերը, որոնք կքննարկեն կառույցի անդամ պետությունների ղեկավարները: ՀՀ նախագահ Սերժ Սարգսյանն արդեն մեկնել է Մինսկ:

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *