Նոյեմբերի 28-ին Սիրիայի կառավարական բանակը «Իսլամական պետություն» ահաբեկչական խմբավորման զինյալներից ազատագրել են Դեր Զոր նահանգի Ալ Աշարահ քաղաքը և մի քանի այլ բնակավայրեր: Այս մասին հայտնում է ռուսաստանյան «ՌԻԱ Նովոստի» գործակալությունը՝ հղում անելով Սիրիայում իր աղբյուրներին:
Աղբյուրը նշում է, որ Սիրիայի կառավարական բանակը շարունակում է առաջընթացը Աբու Քամալ և ալ-Մայադին քաղաքների միջև ընկած տարածքում: Սիրիայի կառավարական ուժերը ԻՊ զինյալներից վերցրել են նաև մեծ թվով զենք ու զինամթերք, այդ թվում նաև տանկեր:
Правительственными войсками взяты населенный пункт Аль-Ашара и ещё несколько поселков (Гариба, Сбейхан, Аш-Шекма, Ад-Двейр, Сувейдан и Махкан), расположенные между городами Аль Маядин и Аль-Камаль#BREAKING #maps #Exclusive #news #Syria #DeirEzZor #NEWSで妄想 #NewsOneNow #Terror pic.twitter.com/o5lRnMEd3u
— Andrey Vasilyev (@andrevasiliev80) November 28, 2017
Նշենք, որ վերջին շրջանում ԻՊ զինյալները Դեր Զորում կորցրել են իրենց վերահսկած տարածքների մեծ մասը: Նոյեմբերի սկզբին հայտնի դարձավ, որ կառավարական բանակը ազատագրել է ԻՊ վերահսկողության ներքո գտնվող վերջին խոշոր քաղաք Աբու Քամալը:
Սիրիայի կառավարական բանակին աջակցում է նաև ՌԴ օդուժը, որը պարբերաբար հարվածներ է հասցնում ԻՊ զինյալների դիրքերին Դեր Զորում:
«Իսլամական պետությունը» ծանր վիճակում է հայտնվել նաև Իրաքում, որտեղ նրանց վերահսկողության տակ գտնվող բոլոր խոշոր քաղաքներն ու բնակավայրերը ազատագրվել են: Ներկայում Իրաքի բանակը մարտեր է մղում ԻՊ դեմ սիրիա-իրաքյան սահմանի հատվածում: