Նոյեմբերի 26-ին Ռուսաստանի ԶՈւ 6 միավոր Տու-22Մ3 հեռահար ռմբակոծիչները հարվածել են «Իսլամական պետություն» ահաբեկչական խմբավորման դիրքերին Սիրիայի Դեր Զոր նահանգում: Այս մասին հայտնում է ՌԴ պաշտպանության նախարարությունը:
Дальние бомбардировщики Ту-22М3 нанесли авиаудар по объектам террористов в #СИРИЯ https://t.co/DS5IABzKN5 pic.twitter.com/Px09KBeSwl
— Минобороны России (@mod_russia) November 26, 2017
Ռմբակոծիչները օդ են բարձրացել Ռուսաստանի տարածքից: Դրանց ուղեկցել են Սիրիայի «Հմեյմիմ» ավիաբազայում տեղակայված Սու-30ՍՄ և Սու-35Ս կործանիչները:
Ըստ ՌԴ ՊՆ-ի՝ հարվածները հասցվել են Եփրատի հովտում տեղակայված ԻՊ դիրքերին և օբյեկտներին, «բոլոր նախանշված թիրախները ոչնչացվել են»:
ՌԴ ԶՈւ ռմբակոծիչները իսլամիստ զինյալների դիրքերին հարվածել են նաև նոյեմբերի 23-ին: Ավելի վաղ՝ հոկտեմբերի 31-ին, Միջերկրական ծովից ՌԴ ԶՈւ Սևծովյան նավատորմի «Վելիկի Նովգորոդ» սուզանավից «Կալիբր» թևավոր հրթիռներ էին արձակվել Աբու Քեմալում ԻՊ դիրքերին: