Նոեյմբերի 24-ից դեկտեմբերի 3-ը Թուրքիայի ջրային տարածքներում՝ Էգեյան ծովի Սարոսի ծոցում, կանցկացվեն Թուրքիայի և ՆԱՏՕ-ի անդամ մի շարք այլ երկրների համատեղ ռազմածովային վարժանքներ: Ադրբեջանը վարժանքներին կներգրավվի որպես դիտորդ: Այս մասին հայտնում է Թուրքիայի ԶՈւ գլխավոր շտաբի կայքը:
ՆԱՏՕ-ի և Թուրքիայի ՌԾՈւ համատեղ «Արևելյան Միջերկրական-2017» զորավարժությունից. Աղբյուրը՝ «Անադոլու»
Զորավարժության հայտարարվող նպատակը «ականային պատերազմի» նախապատրաստումն է (ռազմական գործողությունների ընթացքում ջրային տարածքների ականապատում, ականազերծում), ինչպես նաև տարբեր երկրների ստրոաբաժանումների համագործակցության զարգացումը:
«Նուսրեթ – 2017» զորավարժությանը ներգրավվում են.
- Թուրքիայի զինված ուժերի՝
- ականորսիչ նավ, հրամանատարաշտաբային ականային արգելապատման նավ,
- մեկ ֆրեգատ, մեկ պարեկանավ, մեկ ականահավաքման նավ,
- մեկ ուղղաթիռ, մեկ ստորջրյա պաշտպանության թիմ,
- առափնյա անվտանգության նավ,
- ստորջրյա ինքնակառավարվող մեքենա,
- ՌՕՈւ երկու կործանիչ, մեկ բեռնատար C-130 ինքնաթիռ:
- ՆԱՏՕ-ի երկրորդ մշտական ականազերծման խմբի (SNMCMG-2)՝
- Մեծ Բրիտանիայի ԶՈւ մեկ հրամանատարական և մեկ ականորսիչ նավ,
- Իտալիայի, Հունաստանի և Թուրքիայի ԶՈւ մեկական ականորսիչ նավ,
- Բուլղարիայի ԶՈւ 6 նավ, այդ թվում՝ մեկ ական փնտրող նավ:
- Բուլղարիայի ԶՈւ մեկ ականորսիչ նավ:
Զորավարժությանը ներգրավվել են նաև ՆԱՏՕ-ի անդամ չհանդիսացող պետություն Կատարի ԶՈւ պայթուցիկ սարքերի վնասազերծման թիմ, ինչպես նաև անդամ Հունաստանից նույնպիսի թիմ: Նշենք, որ զորավարժությունը անցկացվում է հենց Հունաստանի ջրային տարածքների հարևանությամբ:
Վարժանքներին ընդհանուր 11 դիտորդ կուղարկեն Ադրբեջանը, Ալժիրը, Ռումինիան, Սլովենիան և Թուրքմենստանը: Կներգրավվի նաև Ռումինիայի ԶՈւ 2 շտաբային սպա:
Հիշեցնենք, որ այս զորավարժությունը խպլանային բնույթ է կրում: Նման վարժանքներ անցկացվել էին նաև 2016 թ. նույն ժամանակահատվածում: