Նոյեմբերյանի զորամասում գլխի շրջանում հրազենային վնասվածք ստացած Հրաչյա Սարգսյանի վիճակը բժիշկների գնահատմամբ լավ է։ Այս մասին այսօր՝ հունիսի 5-ին, լրագրողների հետ հանդիպմանը ասաց Կենտրոնական կլինիկական զինվորական հոսպիտալի փոխգնդապետ Արամ Ասատուրյանը։
Ըստ փոխգնդապետի՝ Սարգսյանը այլևս չի վերադառնա պարտադիր զինվորական ծառայության շարունակմանը. նա ի վիճակի չի լինի։
Հիշեցնենք, որ զինվորը վիրավորվել էր մայիսի 15-ին Նոյեմբերյանի N զորամասի միջադեպի ժամանակ։
Փաստի առիթով հարուցված է քրեական գործ։