Ադրբեջանի ՊՆ-ն հրապարակել է խոշոր զորավարժության ամփոփիչ տեսանյութեր

Նոյեմբերի 21-ին Ադրբեջանի ՊՆ-ն հրապարակել է նոյեմբերի 16-20-ին Ադրբեջանի բանակի, այդ թվում՝ Նախիջևանի առանձին համազորային բանակի խոշոր զորավարժությունից ամփոփիչ տեսանյութեր: Նախիջևանում վարժանքներն անցկացվել են «Հակառակորդի հարձակման հետմղման և հակահարձակման անցնելու» սցենարով:

Դատելով հրապարակված տեսանյութերից և կից հաղորդագրություններից՝ զորավարժության Նախիջևանի փուլն անցկացվել է հակահարձակողական սցենարով:

ԲՄՊ-3 հետևակի մարտական մեքենաներ. Ադրբեջանի բանակի զորավարժությունից

Հայաստանի, այդ թվում՝ Արցախի սահմաններին տեղակայված 1-ին, 2-րդ և 3-րդ կորպուսների համատեղ վարժանքների սցենարի մասին չի նշվում: Դատելով տեսանյութից՝ չի բացառվում, որ այն անցկացվել է հենց «հարձակողական» սցենարով:

Վարժանքներին Նախիջևանում ներգրավվել են՝

• «Սմերչ» ՀԿՌՀ,
• «Գռադ» ՀԿՌՀ,
• T-122 «Սաքարյա» ՀԿՌՀ,
• Տ-72 տանկեր,
• ԲՄՊ-2 հետևակի մարտական մեքենաներ,
• ՄՏԼԲ ԶՈւ-23-2 քարշակի վրա դրված զենիթային հրանոթներ,
• 122 մմ Դ-30, 152 մմ «Գիացինտ-Բ» քարշակվող հրետանի,
• 122 մմ «Գվոզդիկա ինքնագնաց հտերանի,
• Մի-8/17, Մի-24/35 բեռնատար և հարվածային ուղղաթիռներ,
• Սու-25 գրոհիչներ,
• Ս-125 ՀՕՊ համակարգեր,
• ՄՏՈւ-90Մ տանկային կամրջադիրներ:

Ադրբեջանի բանակի 1-ին, 2-րդ և 3-րդ ԲԿ-ների համատեղ զորավարժությանը ներգրավվել է հետևյալ զինտեխնիկան՝

• • Տ-72 տանկեր,
  • ԲՄՊ-3 հետևակի մարտական մեքենաներ,
  • 122 մմ Դ-30, 130 մմ Մ-46 հաուբիցներ,
  • Մի-35 հարվածային ուղղաթիռներ,

Հրամանատարաշտաբային զորավարժության ընթացքում նոեյմբերի 16-20-ին վարժանքներ էին արել Ադրբեջանի ռազմածովային ուժերի ստորաբաժանումները, անցկացվել նաև Նախիջևանի առանձին համազորային բանակը, Ադրբեջանի ՊՆ 1-ին, 2-րդ և 3-րդ ԲԿ-ները: