Ադրբեջանի բանակի ստորաբաժանումների վարժանքներն ակնցկացվել են նոյեմբերի 16-ից մեկնարկած հրամանատարաշտաբային զորավարժության շրջանակներում: Այս մասին հայտնում է Ադրբեջանի ՊՆ կայքը:
Այս վարժանքներին ներգրավվել են սահմանային հատվածներում տեղակայված Ադրբեջանի ԶՈւ առաջին, երկրորդ, երրորդ կորպուսների անձնակազմները:
Ադրբեջանի ԶՈւ Մստա-Ս ինքնագնաց հրետանին կրակային վարժանքների ընթացքում
Դատելով լուսանկարներից՝ կրակային վարժանքներին ներգրավվել են Մի-24/35 ուղղաթիռներ, ինժեներա-սակրավորական տեխնիկա, Դ-30 և Գիացինտ-Բ քարշակվող հրետանի, Մստա-Ս ինքնագնաց հրետանի, ԲՄՊ-3 հետևակի մարտական մեքենա, Տ-72/90 տանկեր:
Հրամանատարաշտաբային զորավարժության ընթացքում մինչ այս՝ նոյեմբերի 18-ին, վարժանքներ էին արել Ադրբեջանի ռազմածովային ուժերի ստորաբաժանումները: Նոյեմբերի 18-19-ը վարժանքներ են անցկացվել նաև Նախիջևանի առանձին համազորային բանակում։
Վարժանքները ավարտվում են այսօր՝ նոյեմբերի 20-ին: