ԱՄՆ աջակցությամբ գործող, հիմնականում քրդերից և արաբներից կազմված «Սիրիայի դեմոկրատական ուժերի» (SDF) խոսնակ Թալալ Սիլոն հեռացել է պաշտոնից և կարծես թե լքել է SDF-ի ճամբարը և անցել Թուրքիայի վերահսկած տարածքներ:
Սոցիալական ցանցերում SDF-ին մոտ կանգած աղբյուրները հայտնում են, որ հեռանալուց հետո Թալալ Սիլոն գնացել է Սիրիայում Թուրքիայի ԶՈւ վերահսկած տարածք: Հրապարակվել են նաև լուսանկարներ, որտեղ երևում են թուրքական զրահամեքենաներ և քաղաքացիական մեքենաներ, ինչը ներկայացվում է որպես Թալալ Սիլոյի շարասյուն: Հարկ է նկատել, որ տարածվող տեղեկությունները դեռ խոսակցությունների մակարդակում են:
مدرعة تركية وجنود أتراك في المنطقة التي وصل إليها طلال سلو pic.twitter.com/SM4XXFxr9O
— Hassan Ridha (@sayed_ridha) November 15, 2017
Թալալ Սիլոյի հեռացման մասին, տեղում սեփական աղբյուրների վրա հղում անելով, հայտնել է նաև թուրքական պետական «Անադոլու» լրատվական գործակալությունը:
Այդ պաշտոնում նշանակվել է Ռեդուր Խելիլը, ով նախկինում SDF-ին մաս կազմող քրդական ժողովրդական ինքնապաշտպանության ջոկատների (YPG) խոսնակն էր: Խելիլը թվիթերի իր էջում արդեն թարմացրել է նոր պաշտոնի մասին տեղեկությունը:
Ռեդուր Խելիլի թվիթերի էջը