Ռուսաստանի ՊՆ-ն համակարգչային խաղից և ավելի վաղ այլ իրադարձություններից արված լուսանկարները վերագրել է որպես սեփական ԱԹՍ-ից արված լուսանկարներ և ներկայացրել ԱՄՆ-ի կողմից ԻՊ-ին աջակցելու «անհերքելի հաստատում»:
Հատկանշական է, որ ՌԴ ՊՆ-ն իր ֆեյսբուքյան էջից արդեն հեռացրել է համապատասխան գրառումը, ուստի տեղադրում ենք մեր կողմից արխիվացված տարբերակը:
Առանձին տեղադրում ենք նաև ՌԴ ՊՆ հրապարակած, այնուհետև ֆեյսբուքից հեռացված լուսանկարները:
Ռուսաստանի ՊՆ հրապարակած լուսանկարները ուսումնասիրել է նաև Սիրիայի հակամարտությամբ զբաղվող Conflict Intelligence Team-ը և պարզել դրանց սկզբնաղբյուրները:
Այսպես՝ լուսանկարներից մեկը իրականում ոչ թե ՌԴ ԶՈւ ԱԹՍ-ի արած լուսանկար է, այլ մի հատված AC-130 Gunship Simulator համակարգչային խաղից:
ՌԴ ՊՆ-հրապարակած մյուս լուսանկարների հետքերով ուսումնասիրությանը համապատասխան հղումներով կարող եք ծանոթանալ այստեղ: