Նոյեմբերի 11-ին Իրանի Ֆարս նահանգում վարժանքների ժամանակ Իրանի իսլամական հեղափոխության պահապանների կորպուսի (ԻՀՊԿ) օդատիեզերական ուժերին պատկանող Սու-22 կործանիչ-ռմբակոծիչ է վթարի ենթարկվել. օդաչուն մահացել է: Այս մասին տեղեկացնում է իրանական «Թասնիմ» լրատվական գործակալությունը:
Վթարի պատճառներն առայժմ հայտնի չեն:
Իրանում Սու-22 կործանիչ-ռմբակոծիչ է վթարի ենթարկվել
Հիշեցնենք, որ ավելի վաղ Իրանի Արևմտյան Ատրպատական նահանգի Ուրմիա քաղաքում ուսումնական թռիչքի ժամանակ այդ երկրի բանակին պատկանող ուղղաթիռ էր վթարվել։ Ուղղաթիռի անձնակազմից մեկ հոգի զոհվել, ևս երկուսը վիրավորվել էին։