Հայաստանը, Վրաստանը և Ադրբեջանը կշարունակեն մասնակցել Աֆղանստանում ՆԱՏՕ-ի առաքելությանը

Նոյեմբերի 9-ին Հայաստանի, Վրաստանի և Ադրբեջանի ներկայացուցիչները Աֆղանստանում ՆԱՏՕ-ի «Վճռական աջակցություն» առաքելության մասնակից պետությունների ՊՆ ղեկավարների ձևաչափով հանդիպմանը վերահաստատել են առաքելությանն իրենց մասնակցությունը: 

Այս մասին նշված է երկրների ՊՆ կայքերում (1,2):

Հանդիպմանը հայկական կողմին ներկայացում էր ՀՀ պաշտպանության նախարարի առաջին տեղեկալ Արտակ Զաքարյանը: Վրաստանը և Ադրբեջանը ներկայացնում էին երկրների պաշտպանության նախարարները:

«ՀՀ պատվիրակության ղեկավարը վերահաստատել է հայկական կողմի հանձնառությունը` մինչև «Վճռական աջակցություն» առաքելության ավարտը առանց էական սահմանափակումների ՀՀ զորախմբի պահպանման վերաբերյալ»,– մասնավորապես նշվում է ՀՀ ՊՆ հաղորդագրության մեջ։

Վրաստանի պաշտպանության նախարար Լևան Իզորիան նույնպես նշել է, որ Վրաստանը 2018-ին կշարունակի մասնակցել առաքելությանը նույն թվաքանակով:

Աֆղանստանում անցկացվող «Վճռական աջակցություն» առաքելությունը մարտական չէ, ուսուցողական է. հիմնական նպատակն է մարզել և վերապատրաստել Աֆղանստանի ուժային կառույցների ներկայացուցիչներին։ Այն 2014 թվականին փոխարինել է ISAF առաքելությանը։

Հայաստանի խաղաղապահները առաքելությանը մասնակցում են 126-131 հոգանոց, Վրաստանը՝ 900, Ադրբեջանը՝ 94 հոգանոց կազմով :

Արտակ Զաքարյանը մասնակցել է ՆԱՏՕ-ի Աֆղանստանի առաքելության Հյուսիսային հրամանատրության անդամ երկրների ՊՆ ղեկավարների հանդիպմանը

Մեկնաբանել

Ձեր էլ. փոստի հասցեն չի հրատարակվելու: Պարտադիր դաշտերը նշված են *