ՌԴ ԶՈւ խորհրդականները Դամասկոսի մոտ գտնվող զորավարաժարանում Սիրիայի կառավարական բանակի զինծառայողների հետ կրակային պատրաստության պարապմունքներ են անցկացնում։ Վերջին մեկ ամսում վերապատրաստվել է Սիրիայի ԶՈւ 600-ից ավելի զինծառայող։ Այս մասին տեղեկացնում է ռուսաստանյան «ՌԻԱ նովոստի» լրատվական գործակալությունը։
Արագացված մարզումների ավարտից հետո զինծառայողները ուղարկվելու են Սիրիայի հարավ-արևելք՝ ահաբեկիչների դեմ պայքարը շարունակելու։
ՌԴ ԶՈւ մասնագետները վերապատրաստում են Սիրիայի կառավարական բանակի զինծառայողներին
Մարզումների շրջանակներում սիրիացի զինծառայողները կրակել են ականանետներից, հակատանկային նռնականետներից։
Հավելենք, որ Սիրիայում ՌԴ ԶՈւ ականազերծման կենտրոնը վերապատրաստում է նաև Սիրիայի բանակի սակրավորներին։ Ավելի վաղ հայտնի էր դարձել, որ վերապատրաստված սակրավորները մասնակցելու են նաև Դեր Զորի ականազերծման աշխատանքներին։
ՌԴ ԶՈւ մասնագետները վերապատրաստում են Սիրիայի կառավարական բանակի զինծառայողներին