2017 թ. ամառային ուսումնական փուլի ընթացքում Հայաստանում տեղակայված ՌԴ ռազմաբազայի մոտոհրաձգային, տանկային, հետախուզական և կապի ստորաբաժանումները մասնակցել են ավելի քան 150 մարտավարական և մարտավարա-մասնագիտական զորավարժության:
Այս մասին Ռազմինֆոյին հայտնում են ՌԴ ԶՈւ Հարավային ռազմական շրջանի մամուլի ծառայությունից:
Նշվում է, որ սա շուրջ 20 տոկոսով գերազանցում է 2016 թ. նույն ժամանակահատվածի ցուցանիշը: Ստորաբաժանման զինծառայողները ներգրավվել են նաև խոշոր զորավարժությունների, այդ թվում՝ ՀԱՊԿ անդամ պետությունների «Համագործակցություն և Որոնում – 2017» վարժանքներին:
Այդ վարժանքներն անցկացվում էին Հայաստանի տարածքում և մասնակցել են նաև ՀՀ զինված ուժերի ստորաբաժանումներ:
Ըստ ՌԴ ԶՈւ ՀՌՇ հաղորդագրության՝ Հայաստանում անցկացվող զորավարժությունների առանձնահատկությունը բարդ լեռնային ռելիեֆն է՝ «Կամխուդ» և «Ալագյազ» լեռնային զորավարժարաններում՝ 1500-ից մինչև 2500 մետր բարձրության վրա:
Նշվում է, որ ՌԴ ռազմաբազայի զինծառայողները 2017 թ. առաջին անգամ վարժանքներ են արել «քաղաքային մարտերի» սցենարով:
ՀՀ-ում ՌԴ ռազմաբազայի ստորաբաժանումները «քաղաքային մարտեր» են խաղարկել