Թուրքիայի գիտատեխնիկական հետազոտությունների խորհրդի (TÜBİTAK) պաշտպանական արդյունաբերական հետազոտությունների և մշակման ինստիտուտը (SAGE) երկրի զինուժի սպառազինության է հանձնել NEB ռումբեր (Nüfuz Edici Bomba): Այս մասին հայտնում է թուրքական «Միլլիյեթ» լրատվակայքը:
Թուրքական արտադրության NEB ռումբ
Թուրքական ինստիտուտը նաև սկսել է այդ ռումբերի զանգվածային արտադրությունը: Սրանք Թուրքիայում նախագծված և արտադրված առաջին ռումբերն են, որոնք կարող ենք կիրառել ինչպես վերգետնյա, այնպես էլ ստորգետնյա թիրախները խոցելու համար:
Այս ռումբերը նախատեսվում են Թուրքիայի ՌՕՈւ F-16 ինքնաթիռների վրա տեղադրվելու համար:
Միևնույն ժամանակ TÜBİTAK-ը սկսել է սեփական արտադրության HGK-1 (Hassas Güdüm Kiti-1) համակարգերի զանգվածային արտադրությունը, որն օգտագործվում է ամերիկյան արտադրության չկառավարվող Mark 84 ռումբերը կառավարելի դարձնելու համար:
NEB ռումբերի առանձնահատկությունները.
- Երկարությունը՝ 2600 մմ
- Լայնությունը՝ 457.2 մմ
- Զանգվածը՝ 870 կգ
- Կարող է ոչնչացնել ինչպես ստորգետնյա, այնպես էլ վերգետնյա թիրախներ