Ռուսաստանի զինված ուժերի Հարավային ռազմական շրջանի Ռոստովում տեղակայված մոտոհրաձգային ստորաբաժանումների հրետանային ստորաբաժանումները վարժանքների ընթացքում խոցել են պայմանական անօրինական զինված խմբավորումների հրամանատարական կետը ։Այս մասին նոյեմբերի 9-ին տեղեկացնում է ՌԴ ՊՆ կայքը։
Վարժանքներին անցկացվել են «Կադամովսկի» զորավարժարանում։ Զինծառայողները պայմանական հակառակորդի հրամանատարական կետի կոորդինատները ստացել են «Օռլան-10», «Տախիոն» անօդաչու թռչող սարքերով։
«Օռլան-10» ԱԹՍ
Վարժանքներին ներգրավվել են 200-ից ավելի զինծառայող, 50 միավոր զինտեխնիկա՝ այդ թվում «Ակացիա» 2Ս3 ինքնագնաց հաուբիցներ, ԲՄ-21 «Գռադ-Մ» համազարկային կրակի ռեակտիվ համակարգեր, 2Ս12 «Սանի» ականանետներ։
Հիշեցնենք, որ Հայաստանում տեղակայված ՌԴ ԶՈւ 102-րդ ռազմաբազան նույնպես Հարավային ռազմական շրջանի կազմում է։
ՌԴ ԶՈւ ՀՌՇ «Գրադ» ՀԿՌՀ-ը` հրետանավորների կրակային վարժանքների ընթացքում, (արխիվ)