Իրանի հոգևոր առաջնորդ Ալի Խամենեիի հրամանագրով Իրանի բանակի ռազմածովային ուժերի նոր հրամանատար է նշանակվել դերծովակալ Հոսեյն Խանզադին, ով այս պաշտոնում փոխարինել է դերծովակալ Հաբիբոլահ Սայարիին։ Այս մասին նոյեմբերի 5-ին տեղեկացնում է Իրանի հոգևոր առաջնորդի պաշտոնական կայքը։
Հաբիբոլահ Սայարին իր հերթին նշանակվել է Իրանի բանակի հրամանատարի համակարգող տեղակալի պաշտոնում։ Իսկ այս պաշտոնը զբաղեցնող Մոհամմադ Հոսեյն Դադրասը նշանակվել է Իրանի բանակի փոխհրամանատարի պաշտոնում։
Դադրասը այս պաշտոնում փոխարինել է Ահմադ Ռեզա Փուրդասթանին, ով Իրանի բանակի փոխհրամանատարն էր 2016-ի նոյեմբերից։
Հիշեցնենք, որ ավելի վաղ Իրանի հոգևոր առաջնորդի հրամանագրով Իրանի բանակի նոր հրամանատար էր նշանակվել Աբդոլռահիմ Մուսավին։